Gareth Jones - Cofrestrydd Cwmnïau Lloegr a Chymru, a Phrif Weithredwr Tŷ’r Cwmnïau

Ymunodd Gareth â Thŷ’r Cwmnïau fis Ebrill 2007 fel Prif Weithredwr a Chofrestrydd.  

Cyn hynny Gareth oedd Cyfarwyddwr yr Amgylchedd, Cynllunio a Chefn Gwlad yn Llywodraeth Cynulliad Cymru. Yn ystod gyrfa hir ac amrywiol yn y gwasanaeth sifil, mae e wedi dal sawl swydd uwch, gan gynnwys swydd Cyfarwyddwr Gweithrediadau Cymru yn ystod argyfwng Clwy Traed a’r Genau yn 2001. Adeg Llywodraeth Geidwadol ddiwedd yr wythdegau a dechrau’r nawdegau, bu’n Ysgrifennydd Preifat i’r Ysgrifennydd Gwladol dros Fasnach a Diwydiant yn y DTI. Dechreuodd Gareth ei yrfa fel rhaglennwr a dadansoddwr cyfrifiaduron ym 1979  ac mae e wedi defnyddio’r sylfaen hwn yn ddiweddar wrth yrru projectau newid busnes llwyddiannus oedd yn cynnwys elfen sylweddol o TG.

Fel Prif Weithredwr, Gareth yw Swyddog Cyfrifyddu Tŷ’r Cwmnïau ac yn gyfrifol am reoli materion gweithredu a materion ariannol a sicrhau bod Tŷ’r Cwmnïau yn cyrraedd y targedau a bennir gan weinidogion.  Anrhydeddwyd Gareth â’r OBE yn 2003.

Ann Lewis – Cyfarwyddwraig Gweithrediadau a Gwasanaeth i Gwsmeriaid

Ymunodd Ann â Thÿ’r Cwmnïau yn 2009, ac mae’n gyfrifol am Weithrediadau Canolog, Gwasanaeth i Gwsmeriaid a Gorfodi.

Cyn ymuno â Thÿ’r Cwmnïau, roedd Ann yn Ddirprwy Gyfarwyddwraig gyda’ r Swyddfa Ystadegau Gwladol (ONS) yng Nghasnewydd. Treuliodd Ann dros 30 mlynedd yn ONS yn cyflawni amrywiaeth o swyddogaethau, ac mae ganddi brofiad helaeth o gyflwyno a rheoli strategaethau newid o bwys ym myd busnes. Mae Ann wedi rheoli amrywiol dimau mawr yn gwireddu portffolios cymhleth, ac mae’n arbenigo mewn rheolaeth weithredol a hybu newidiadau a gwelliannau effeithlonrwydd ym myd busnes.

Phil Bushby – Cyfarwyddwr Pobl, Caffael ac Eiddo

Ymunodd Phil â Thŷ'r Cwmnïau fis Ebrill 2007. Mae'n Aelod Siartredig o'r Sefydliad Personnel a Datblygu, ac mae ganddo radd BSc mewn Daearyddiaeth.. 

Yn y sector preifat y cafodd ei brofiad uwch blaenorol mewn Adnoddau Dynol lle bu'n gweithio'n bennaf yn y sector logisteg. Ymhlith ei gyflogwyr blaenorol mae DHL, Exel a WH Smith. Yn fwyaf diweddar ef oedd Cyfarwyddwr Rhanbarthol Adnoddau Dynol ar sector o DHL oedd yn rheoli gofynion logisteg adwerthwyr mawr megis B&Q, Mothercare, BHS, Currys a Comet.

Mae Phil yn gyfrifol am agenda pobl Tŷ’r Cwmnïau sy’n cynnwys Dysgu a Datblygu, Cysylltiadau â Staff, y Gyflogres ac Iechyd a Diogelwch. Ers ymuno â Thŷ’r Cwmnïau, mae Phil wedi cymryd cyfrifoldeb dros gaffael ac ystadau ac mae’n cydweithio’n agos â’n rhiant-adran (BIS) er mwyn rhannu arferion da mewn perthynas â materion AD ar draws y sefydliadau.

Mike Nash - Cyfarwyddwr Cyllid

Ymunodd Mike â Thŷ'r Cwmnïau fel y Prif Gyfrifydd ym mis Ebrill 2000 ac mae'n Gyfarwyddwr Cyllid ers mis Gorffennaf 2008.

Mae'n gyfrifol am gynnig arweiniad ar berfformiad a chynllunio ariannol, ac am reoli risg ariannol.

Cyn hynny, bu'n gweithio yn y diwydiant fferyllol yn Rheolwr Ariannol cwmni Parke-Davies ym Mhont-y-pŵl. Mae Mike yn Gymrodor yng Nghymdeithas y Cyfrifwyr Ardystiedig Siartredig ac mae ganddo radd mewn cyfrifeg gan Brifysgol Cymru, Caerdydd.