Bwrdd a Rheolwyr Tŷ’r Cwmnïau

Mae Tŷ’r Cwmnïau yn Asiantaeth Weithredol o dan Yr Adran Busnes, Menter a Diwygio Rheoleiddio (BERR).
Y Gweinidog sy’n gyfrifol am Dŷ’r Cwmnïau yw Gareth Thomas AS, Is-ysgrifennydd Gwladol Seneddol dros Faterion Masnach a Defnyddwyr.
Mae gan yr Asiantaeth hefyd statws Cronfa Fasnachu sy’n caniatáu iddi reoli ei chyllid ei hun yn uniongyrchol.

Mae’r Prif Weithredydd yn atebol i’r Ysgrifennydd Gwladol am y ffordd y caiff yr Asiantaeth ei rhedeg o ddydd i ddydd.

Mae gan Dŷ’r Cwmnïau Fwrdd Cyfarwyddwyr a Bwrdd Llywio sy’n cynnwys personél uwch y BERR, aelodau annibynnol o’r sector preifat, ac yn cael ei gefnogi gan Gyfarwyddwyr Tŷ’r Cwmnïau. Bydd y Bwrdd Llywio’n cwrdd bob chwarter i roi cyngor am lywodraeth yr Asiantaeth, yn arbennig ei gynllun corfforaethol, ei dargedau a’i gyflawniad. Mae ei gyfansoddiad yn adlewyrchu’n nod o dynnu ar yr arferion gorau a amlygir yn y sectorau cyhoeddus a phreifat.